У Беларусі выраслі стаўкі акцызаў на алкаголь, цыгарэты і аўтамабільнае паліва
Стаўкі акцызаў на алкаголь, цыгарэты і аўтамабільнае паліва павялічаныя ў Беларусі з 1 студзеня. Такая інфармацыя размешчана на сайце Міністэрства фінансаў.
Стаўкі акцызаў на спірт этылавы складзе Br5,01 за 1 л бязводнага спірту, на спірт этылавы рэктыфікаваны тэхнічны — 4 капейкі.
На алкагольную прадукцыю з аб'ёмнай доляй этылавага спірту 7% і больш (за выключэннем спіртоў, вінаў пладовых мацаваных марачных, палепшанай якасці і спецыяльнай тэхналогіі, вінаў фруктова-ягадных натуральных, він натуральных, у тым ліку пеністых, шампанскіх, газаваных і шыпучых, сідру, піва і піўнога кактэйлю, спіртаўтрымліваючай прадукцыі) стаўкі акцызаў вызначаныя ў памеры Br14,88 за 1 л бязводнага спірту, які змяшчаецца ў гатовай прадукцыі.
Да Br96 за 1 кг павышаныя акцызы на тытунь. На цыгарэты з фільтрам у залежнасці ад рознічнай цаны акцызы складуць ад Br24,9 да Br71,97 за 1 тыс. штук, без фільтра — Br19,16.
Стаўкі акцызаў на аўтамабільнае паліва класа 5 — Br298,59 за 1 т, за неадпаведнае класу 5 - Br481,08, за дызельнае паліва класа 5 — Br184,33, за неадпаведнае класу 5 - Br233,05.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі3
Каментары