Такое меркаванне выказала намесніца міністра эканомікі Таццяна Старчанка на пасяджэнні Рэспубліканскае рады дырэктараў Беларускай навукова‑прамысловай асацыяцыі.
Паводле яе слоў, работа па лібералізацыі эканомікі патрабуе паскарэння, каб надаць новы імпульс буйным прадпрыемствам, малому і сярэдняму бізнесу.
Зробленых захадаў недастаткова, яны не могуць цалкам забяспечваць устойлівасць працы,лічыць намеснік міністра.
Яна заклікала ўсе зацікаўленыя асобы накіроўваць прапановы па пераадоленні крызісу ва ўрад. «Сёння стаіць пытанне аб выжывальнасці эканомікі, і мы адкрытыя да пошуку выхадаў з крызісу і абмеркавання прапаноў», — падкрэсліла Старчанка.
Паводле слоў намесніка міністра,
усе мерапрыемствы па пераадоленні фінансавага крызісу скіраваныя на цвёрдую эканомію грашовых сродкаў.Праведзена інвентарызацыя дзяржпраграм, скарачаюцца расходы і праекты, якія не адносяцца да першачарговых, і «гэта работа працягваецца», зазначыла намеснік міністра. «Дзякуючы гэтым мерам мы маем досыць нядрэнныя вынікі летась», — лічыць Старчанка.
Разам з тым, паводле яе слоў, «відавочна запаволенне развіцця ў прамысловым сектары эканомікі», што пацвярджаецца звесткамі статыстыкі. «Мы маем рост ВУП у студзені на 4,5%, а за студзень‑люты — на 1,4%», — паведаміла намеснік міністра.
У прамысловасці, паводле слоў Старчанкі, адзначаецца падзенне тэмпаў росту, прычым закрануты ўсе галіны эканомікі, асабліва машынабудаванне і металаапрацоўка, вытворчасць будматэрыялаў, лёгкая і дрэваапрацоўчая прамысловасць.
«Для комплекснага вырашэння праблемы са зніжэннем попыту на рынках збыту беларускай прадукцыі ўрад і Нацбанк распрацавалі шэраг мерапрыемстваў, сярод якіх — падтрымка прамысловых прадпрыемстваў за кошт ільгатавання працэнтных ставак крэдытаў, выдзяленне падатковых крэдытаў, скарачэнне расходаў», — паведаміла намеснік міністра.
Цяпер чытаюць
Раптоўна памёр Уладзімір Усер — немалады актывіст, які ўляпаўся ў фільм БТ і шпіянаж у Польшчы19
Каментары