Эвакуіраваных з Кітая грамадзян Беларусі возьмуць пад каранцін у Цюменскай вобласці
Грамадзян Расіі, Беларусі, Казахстана і іншых краін, эвакуяваных расійскімі самалётамі з Кітая, часова размесцяць у Цюменскай вобласці, дзе яны будуць знаходзіцца пад каранцінам. Пра гэта паведамляе РИА Новости са спасылкай на віцэ-прэм'ера Расіі Таццяну Голікаву.
Эвакуіраваныя грамадзяне, знаходзячыся на каранціне, будуць забяспечаны ўсім неабходным. Пры гэтым Таццяна Голікава звярнула ўвагу, што сярод эвакуяваных з Кітая ў Расію людзей не будзе заражаных каранавірусам.
Па словах Таццяны Голікавай, Міністэрства замежных спраў Расіі і пасольства Расіі ў Кітаі цяпер вядуць актыўную працу па канчатковым вызначэнні спісу грамадзян, якія будуць эвакуіраваны з Уханя і правінцыі Хубэй.
Паводле звестак МЗС Расіі, у гэты спіс цяпер уваходзяць 147 чалавек, сярод якіх 10 грамадзян Беларусі.
Каментары