Яшчэ ў адным беларускім горадзе цяпер можна аплаціць праезд у транспарце з дапамогай QR-кода
У Барысаве Белінвестбанк і рэзідэнт ПВТ кампанія LWO укаранілі тэхналогію аплаты праезду з дапамогай QR-кода.
Аплачваецца праезд з дапамогай мабільнай праграмы «Аплаці». Увайшоўшы ў аўтобус, пасажыр наводзіць сканер на тэлефоне на QR-код у салоне. Пасля гэтага грошы спісваюцца з электроннага кашалька. Білет імгненна адлюстроўваецца ў смартфоне. У ім паказваецца ўся неабходная інфармацыя: нумары электроннага квітка і транспартнага сродку, яго прыналежнасць аўтобуснаму парку, дата і час пакупкі, а таксама кошт праязнога дакумента. Кандуктар таксама можа праверыць такі білет праз праграму.
Разлічыцца за праезд з дапамогай QR-кода пакуль што можна ў аўтобусах на чатырох гарадскіх маршрутах.
Хутка аплаціць праезд у аўтобусе з дапамогай QR-кода можна будзе і ў іншых гарадах: перадусім у Гомелі і Віцебску.
Раней падобная сістэма аплаты пачала працаваць у Брэсце.
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх2121
Каментары