Прэзідэнт Расіі Уладзімір Пуцін прызнаўся, што ідэя прыцягнуць двайніка для яго бяспекі ўзнікала ў пачатку 2000-х гадоў, але ён ад яе адмовіўся. Пра гэта прэзідэнт Расіі распавёў у інтэрв'ю ТАСС для праекта «20 пытанняў Уладзіміру Пуціну».
«[Ідэя] ўзнікала, але я адмовіўся ад двайнікоў, — адзначыў ён. — Гэта было ў самыя цяжкія часы барацьбы з тэрарызмам». Паводле яго слоў, у пачатку 2000-х гадоў гучалі прапановы, каб дублёр замяняў расейскага лідара на мерапрыемствах у месцах, дзе кіраўніку дзяржавы знаходзіцца небяспечна. Аднак Пуцін, паводле яго слоў, ніколі не прыцягваў двайнікоў.
Пытанне аб тым, ці ёсць у Пуціна двайнік, кіраўнік дзяржавы і журналіст Андрэй Вандэнка выявілі ў якасці аднаго з папулярных запытаў пра расейскага лідэра ў інтэрнэце.
Каментары