Нямеччына закрывае межы, спыняе праверку білетаў у грамадскім транспарце
З панядзелка 16 сакавіка з 08:00 па мясцовым часе Нямеччына закрые межы з Аўстрыяй, Францыяй і Швейцарыяй з прычыны пашырэння каранавіруса. Пра гэта паведамляюць нямецкія СМІ.
Рашэнне было прынятае па выніках відэаканферэнцыі з удзелам канцлеркі ФРГ Ангелы Меркель, міністра ўнутраных спраў і прэм'ер-міністраў федэральных зямель Баварыя, Бадэн-Вюртэмберг і Саар. Рух тавараў застанецца свабодны, граніцу дазволяць пераязджаць тым людзям, якія працуюць на тэрыторыі суседняй дзяржавы.
Мяжу з Польшчай, нагадаем, яшчэ раней закрыла Варшава.
Нямецкая чыгунка Deutsche Bahn змяншае колькасць цягнікоў, у іх перастануць правяраць білеты — для абароны пасажыраў і кандуктараў.
У Нямеччыне па стане на сярэдзіну дня 15 сакавіка выяўлена амаль 5500 носьбітаў каранавіруса. У той жа час краіна пакуль мае адзін з найніжэйшых у свеце працэнт смяротнасці. Ад інфекцыі там памерла толькі 11 чалавек. Гэта звязваюць з тым, што Нямеччына правяла найбольшую на душу насельніцтва колькасць тэстаў на вірус. Імаверна, у гэтай краіне проста ахоп выяўлення носьбітаў найвышэйшы.
Усяго на сёння ў свеце ад каранавіруса памерла больш за 6000 чалавек.
Цяпер чытаюць
Мінчанка Ангеліна, якая прасіла ў Лукашэнкі кватэру за тройню, атрымала жыллё17
Мінчанка Ангеліна, якая прасіла ў Лукашэнкі кватэру за тройню, атрымала жыллё
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1111
Каментары