Магчыма, пройдзе пазней.
«З-за бяспекi людзей прынята рашэнне перанесцi святкаванне Дня Волi на пазнейшы час. Доўга дыскутавалi, але, нарэшце, прынялi правiльнае i адказнае рашэнне. Зараз галоўная задача — прымусіць улады прыслухацца да рэкамендацый СААЗ і прыняць у краiне элементарныя меры дзеля абароны беларусаў ад каранавiруса», — напісаў у сваім фэйсбуку адзін з заяўнікаў акцыі Віталь Рымашэўскі.
Такім чынам аргкамітэт па святкаванні БНР-102 адклікаў заяўку на правядзенне мітынга-канцэрта ў сталіцы.
«Арганізатары лічаць, што падрыхтоўка мерапрыемства ва ўмовах, калі кожны дзень у Беларусі павялічваецца колькасць хворых на каранавірус, а афіцыйная інфармацыя аб распаўсюдзе віруса не выклікае даверу, выглядае недарэчнай. Зыходзячы з сітуацыі, аргкамітэт па святкаванні БНР-102 будзе вывучаць магчымасць правядзення мерапрыемства ў больш позні перыяд. Аб гэтым будзе паведамлена дадаткова», — гаворыцца ў паведамленні.
У аргкамітэт па святкаванні Дня Волі-2020 уваходзяць Беларуская сацыял-дэмакратычная партыя (Грамада), Рух «За Свабоду», Беларуская партыя «Зялёныя», БХД і АГП.
Правядзенне святкавання планавалася на 22 сакавіка (нядзеля), бо 25 сакавіка выпадае на сераду. Адным з месцаў правядзення магла стаць пляцоўка на вуліцы Кастрычніцкай.
Цяпер чытаюць
Дэпутат Клішэвіч стаў кандыдатам гістарычных навук з дысертацыяй пра разлажэнне беларускага камсамола ў часы «перабудовы»2
Каментары