Пра цікавы выпадак распавяла mlyn.by дзяржаўны абвінаваўца, старшы памочнік Мінскага транспартнага пракурора Кацярына Лугіна.
У канцы 2019 года жыхар Валожынскага раёна здзейсніў крадзеж у электрычцы Мінск — Маладзечна. Пакуль пасажыр спаў, злодзей выцягнуў з яго курткі 85 рублёў, а таксама забраў пачатую пляшку гарэлкі і барсетку з асабістымі рэчамі, сярод якіх былі некалькі дысконтных картак, таблеткі і газета «Навіны БелАЗа».
— Абвінавачаны цалкам прызнаў сваю віну. Раней ён ужо быў судзімы за аналагічныя злачынствы. Усё, за выключэннем пляшкі гарэлкі, вярнулі пацярпеламу. Перад затрыманнем злодзей паспеў выпіць алкаголь і патраціць частку выкрадзеных грошай.
Цяпер чытаюць
«Сядзеў ужо 50 сутак, затрымалі яго дзяўчыну і брата». Сукамернік расказаў пра радыёаматара, арыштаванага за здраду дзяржаве4
Каментары