Сёння адбудуцца першыя паўфінальныя матчы Кубка Беларусі па футболе
Была інфармацыя, што пасля матчаў трэцяга тура беларускі футбол будзе пастаўлены на паўзу праз каранавірус. Але нічога не змянілася, і сёння нас чакаюць першыя паўфіналы, а на выхадных — чарговы тур чэмпіянату.
«Славія» — БАТЭ
- 08.04, 17:30. Мазыр, стадыён «Юнацтва».
- Каэфіцыенты: «Славія» (перамога) — 3.55; нічыя — 3.42; БАТЭ (перамога) — 2.17.
Фаварыт у гэтай гульні мог бы быць прадказальным, калі б мы не ведалі, як прайшлі тры туры чэмпіянату.
«Славія» стала сапраўднай пагрозай аўтарытэтам, абгуляўшы спачатку непасрэдна БАТЭ, а пасля — і брэсцкае «Дынама». Барысаўцы ж, нарэшце, змаглі перамагчы ў трэцім туры, але перамога над «Рухам» далася вельмі няпроста.
Прагноз «НН»: Шмат што будзе залежаць ад фізічнага стану «Славіі», а таксама матывацыі гульцоў БАТЭ, якія ў папярэднія сезоны не надта сур'ёзна ставіліся да кубкавых матчаў. Спрагназуем тотал, меншы за 2,5.
«Дынама-Брэст» — «Шахцёр»
- 08.04, 19:30. ДАСК «Брэсцкі».
- Каэфіцыенты: «Дынама» (перамога) — 2.38; нічыя — 3.13; «Шахцёр» (перамога) — 3.38.
Берасцейцы і салігорцы пакуль не апраўдваюць статус фаварытаў чэмпіянату: у трох турах былі зафіксаваны тры розныя вынікі, што крыху супярэчыць амбіцыям каманд.
У папярэднім розыгрышы Кубка каманды сустракаліся на стадыі 1/8 фіналу, дзе «Шахцёр» перамог, але толькі ў серыі пенальці. Ці зможа Брэст узяць рэванш і зноў пазмагацца за трафей?
Прагноз «НН»: у першым матчы будзе зафіксавана нічыя.
У сувязі з распаўсюдам каранавіруса мы не раім вам наведваць людныя мерапрыемствы, у тым ліку футбольныя матчы. Калі ўсё ж вырашыце пайсці на стадыён, прытрымлівайцеся мераў засцярогі.
Дзяліцеся прагнозамі ў каментарах. Калі лічыце сябе экспертам у беларускім футболе, зрабіце стаўку ў Букмекерскай канторы Леон!
«Сумны горад, пра які прынята добра казаць». Расіянка раскрытыкавала Мінск — беларусы ёй іранічна падзякавалі26
Каментары