У Расіі галоўным спікерам штаба па каранавірусе стаў чалавек, які не верыў у яго распаўсюд
Галоўны доктар маскоўскай гарадской клінічнай бальніцы №71 Аляксандр Мяснікоў, вядомы як доктар Мяснікоў з праграмы «Пра самае галоўнае» на канале «Расія 1», будзе прызначаны кіраўніком інфармацыйнага цэнтра па маніторынгу сітуацыі з каранавірусам.
Доктар і тэлевядучы стане афіцыйным прадстаўніком штаба і як галоўны спікер арганізацыі будзе інфармаваць расіян пра пагрозу каранавіруса. Таксама ў яго абавязкі ўвойдзе апавяшчэнне насельніцтва аб спосабах прафілактыкі і лячэння новага захворвання.
Доктар быў даверанай асобай Уладзіміра Пуціна на прэзідэнцкіх выбарах 2018 года і Сяргея Сабяніна — на выбарах мэра Масквы.
З пачаткам распаўсюджвання пандэміі Мяснікоў зрабіў мноства публічных заяў і прагнозаў аб распаўсюдзе каранавіруса, быў частым госцем YouTube-эфіраў свайго сябра Уладзіміра Салаўёва.
У лютым Мяснікоў сцвярджаў, што каранавірус можа быць карысным для расіян. Паводле яго слоў, людзі пачалі больш уважліва сачыць за здароўем, спалохаўшыся хваробы. Тады ён казаў, што шанец заразіцца каранавірусам у Расіі роўны нулю. У красавіку доктар прызнаў, што памыліўся ў сваім прагнозе па каранавірусе.
Цяпер чытаюць
Просты беларус здзівіў людзей, калі ў Германіі прызнаваўся ў любові да Лукашэнкі. Але аказалася, што ён няпросты3
Каментары