«Надзела дзеля прыгожай карцінкі». На сустрэчы з Лукашэнкам чыноўніца была ў заводскай уніформе
У пятніцу падчас наведвання шклозавода «Нёман» у Лідскім раёне Аляксандр Лукашэнка сустрэўся з калектывам. Нічога незвычайнага, каб не адна дэталь. У першым шэрагу разам з супрацоўнікамі завода ў сіняй уніформе стаяла прэс-сакратарка раёна Марына Грыгор'ева.
Іншыя чыноўнікі, якіх можна заўважыць на сустрэчы, стаяць у дзелавых касцюмах, без халатаў.
«Наша Ніва» патэлефанавала Марыне Грыгор'евай і спытала: няўжо гэта звычайна практыка — стаяць у форме ў першых шэрагах?
«Не, гэта не звычайная практыка. Мая задача была проста глядзець, каб людзі стаялі роўна, не пераходзілі лінію пэўную. Вось і ўсё. Абсалютна ніякай крамолы.
Для кадра было прынята такое рашэнне. Не зусім удалае, я згодная. Форма была не па прызначэнні выкарыстана, толькі дзеля прыгожай карцінкі», — патлумачыла прэс-сакратарка раёна.
«На іншых заводах вы таксама апранаеце форму?»
«Не, ну што вы гаворыце!» — запэўніла яна.
Пытанняў падчас таго візіту Марына Грыгор'ева не задавала.
«Я адзіны чалавек [з адміністрацыі], які там апынуўся, проста ў мяне была іншая місія. Астатнія ўсе, як і належыць, — супрацоўнікі завода. Можаце не сумнявацца».
На сустрэчы з кіраўніком краіны людзі стаяць даволі шчыльна. Пацікавіліся ў прэс-сакратаркі, ці не прапаноўвалі ім для бяспекі надзець маскі.
«Вы бачыце, што колькасць людзей была вельмі невялікая, выключна ў гэтых мэтах», — пракаментавала яна прафілактычныя меры.
Раней Марына Грыгор'ева працавала карэспандэнткай на Лідскім тэлебачанні. Пасаду прэс-сакратаркі раёна яна заняла ў студзені гэтага года.
Хто з палітвязняў выйшаў на свабоду 16 верасня ПОЎНЫ СПІС23
Каментары