Адзін з лідэраў «чырвоных кхмераў» пакаяўся ў забойстве 14 тыс. чалавек
У Камбоджы былы начальнік турмы і лагера катаванняў S‑21 падчас кіравання «чырвоных кхмераў» Дач (сапраўднае імя Каінг Гуек Еав) прызнаў сваю віну за забойства 14 тыс. чалавек у 1970‑х і выбачыўся.
«Я нясу адказнасць за злачынствы, здзейсненыя ў S‑21, найперш за катаванні і пакаранні смерцю», — заявіў Дач трыбуналу з удзелам суддзяў ААН.
Пакуль 66‑гадовы Дач — адзіны з пяці галоўных лідэраў «чырвоных кхмераў», што прызналі сваю віну.
Грамадскасць Камбоджы патрабуе судзіць не толькі пяць кіраўнікоў «чырвоных кхмераў», але і начальнікаў ніжэйшага рангу. Аднак прэм’ер‑міністр Хун Сен выступае супраць, баючыся аднаўлення грамадзянскай вайны.
«Лепш пабачыць правал трыбуналу, чым вяртанне грамадзянскай вайны ў маю краіну», — сказаў ён.
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары