Ад каранавіруса памерла больш амерыканцаў, чым за ўсю В'етнамскую вайну
Колькасць амерыканцаў, якія памерлі ад каранавіруса Covid-19, перавысіла колькасць загінулых падчас вайны ў В'етнаме, звяртае ўвагу Бі-бі-сі.
Паводле Універсітэта Джонса Хопкінса, у ЗША ад каранавіруса памерла амаль 60 тысяч чалавек. За 20 гадоў вайны ў В'етнаме армія ЗША страціла забітымі, памерлымі ў палоне і зніклымі без вестак каля 58 тыс. чалавек.
Колькасць выпадкаў каранавіруса ў ЗША перавысіла мільён чалавек — гэта самы высокі паказчык у свеце.
Нягледзячы на разгар эпідэміі, у 40 штатах ЗША прайшлі акцыі пратэсту супраць ўведзенага ўладамі каранціну. Дэманстранты лічаць, што, уводзячы забаронныя меры, улады замахваюцца на правы і свабоды грамадзян.
Да канца красавіка, па афіцыйных звестках, страцілі працу і ўжо звярнуліся па дапамогу 26 мільёнаў амерыканцаў.
Каментары