Тэст на COVID-19 для выезду за мяжу можна прайсці платна ва ўсіх рэгіёнах
Грамадзяне, якія выязджаюць за межы Беларусі ў краіны, дзе патрабуецца афіцыйнае пацвярджэнне адсутнасці інфекцыі COVID-19, могуць атрымаць даведку пасля правядзення лабараторнага ПЦР-даследавання на платнай аснове ў цэнтры не толькі ў Мінску, але і ў абласцях, паведамляе Мінздароўя ў сваім тэлеграм-канале
Такія даследаванні праводзяць Рэспубліканскі цэнтр гігіены, эпідэміялогіі і грамадскага здароўя, РНПЦ эпідэміялогіі і мікрабіялогіі, а таксама Брэсцкі, Віцебскі, Гомельскі, Гродзенскі, Мінскі і Магілёўскі абласныя цэнтры гігіены, эпідэміялогіі і грамадскага здароўя, Мінскі гарадскі цэнтр гігіены і эпідэміялогіі.
Як паведамлялася раней, для праходжання тэсціравання неабходна мець з сабой копіі пашпарта і квіткоў у краіну выезду.
Па завяршэнні тэсціравання выдаецца вынік лабараторнага даследавання на рускай і англійскай мовах.
Цяпер чытаюць
Што здарылася з Мікітам Мелказёравым, які раптоўна памёр ноччу?35
Каментары