Пра гэта кіраўнік краіны сказаў на нарадзе з актывам у Гродне, піша БелТА.
Ён заявіў, што Беларусь можа знайсці альтэрнатыву расійскаму газу гэтак жа, як у выпадку з нафтай.
«Дзякуй богу, і нафты хапае ў свеце — бяры, не хачу. І цэны прымальныя. І прыроднага газу хапае ўжо, ідзе бойка за прэміяльны еўрапейскі і наш рынак паміж асноўнымі гульцамі, якія пастаўляюць прыродны газ. І альтэрнатыва ёсць, можна яе знайсці», — сказаў Лукашэнка.
Раней казалася, што афіцыйны Мінск з канца 2019 года ініцыюе знізіць цану на газ (з 127 даляраў), якая ўпала на спотавых рынках у Еўропе на фоне рэзкага зніжэння сусветных цэнаў на нафту.
Таксама Лукашэнка дадаў, што Сусветны банк можа выдзеліць Беларусі 300 мільёнаў даляраў на барацьбу з каранавірусам.
«Ці то Сусветны банк… спачатку мы дамаўляліся, каб яны нам аказалі падтрымку дзесьці $90 млн, цяпер паглядзелі: цікавы вопыт Беларусі, дайце нам вопыт, мы гатовыя вас прафінансаваць аж пад $300 млн. Гэта ж здабытак усяго свету. Няхай глядзяць, як мы працуем», — сказаў Аляксандр Лукашэнка.
Цяпер чытаюць
Пра Мелказёрава ў яго апошні дзень: «Было адчуванне, што ён стомлены, бракуе энергіі, рысы твару былі запалыя»1
Каментары