Затрыманым у Навагрудку людзям далі штрафы. А судзілі чамусьці ў Карэлічах
Затрыманых у Навагрудку яшчэ 21 чэрвеня сёння судзілі ў Карэлічах. На выезд быў скіраваны старшыня Навагрудскага раённага суду Васіль Аляхновіч, паведамляе «Гарадзенская вясна».
У выніку, паводле папярэдняй інфармацыі, затрыманыя, якія правялі амаль двое сутак у Карэліцкім ізалятары часовага ўтрымання, былі асуджаныя да штрафаў:
Алег Аляшкевіч —да 4 базавых велічынь штрафу (108 рублёў).
Андрэй Акулінскі —да 30 базавых штрафу (810 рублёў).
Сяргей Казак — да 4 базавых велічынь штрафу (108 рублёў).
Дзмітрый Рубень — да 30 базавых штрафу (810 рублёў), паводле іншых звестак, толькі да 2 базавых штрафу (54 рублі).
Пячко Сяргей — да 10 і 15 базавых штрафу па двух пратаколах (270 і 405 рублёў).
Аляксандр Камісараў — да 25 базавых агулам па двух пратаколах (405 рублёў).
Паводле папярэдняй інфармацыі, усіх асуджаных ужо адпусцілі.
Акрамя гэтага ўчора ў Навагрудку проста з працы міліцыянты забралі Вікторыю Жук. Яе доўга трымалі ў пастарунку, і невядома, ці ўжо адпусцілі. А між тым, у Жук муж-інвалід і малое дзіця дома. Міліцыянты спрабавалі затрымаць яшчэ пару маладых людзей, якія 21 чэрвеня былі ў цэнтры Навагрудка, проста стаяўшы ў ланцугу.
Цяпер чытаюць
Шэсць фактаў пра Андрэя Шведа — былога генпракурора, які цяпер стаў старшынёй Вярхоўнага суда4
Каментары