Палітолаг Усаў: Калі Чэрачань, Канапацкая, Дзмітрыеў не знімуцца з выбараў, хай Еўрасаюз накладзе на іх санкцыі
Палітолаг Павел Усаў у сваім фэйсбуку выступіў за санкцыі супраць некаторых патэнцыйных кандыдатаў у прэзідэнты, калі яны не знімуцца з выбараў.
Усаў лічыць, што ўдзел у палітычных фальсіфікацыях не павінен заставацца беспакараным.
«Я лічу, што ў выпадку калі Захад будзе сур'ёзна разглядаць пытанне аб увядзенні санкцый у адносінах да людзей сістэмы, якія былі задзейнічаныя ў фальсіфікацыях, перш за ўсё, забарона на ўезд у краіны ЕС, то ў «чорныя спісы» абавязкова павінны быць уключаны Чэрачань, Канапацкая, Дзмітрыеў», — піша палітолаг.
Працягваючы свой удзел, палітыкі становяцца саўдзельнікамі фальсіфікацыі выбараў, лічыць Усаў. Палітолаг назваў вышэйзгаданых палітыкаў «махінатарамі».
Цяпер чытаюць
Пра Мелказёрава ў яго апошні дзень: «Было адчуванне, што ён стомлены, бракуе энергіі, рысы твару былі запалыя»1
Каментары