Выбары — гэта не чужы манастыр. Ініцыятыва «Сумленныя людзі» кліча беларусаў у назіральнікі
Грамадзянская ініцыятыва «Сумленныя людзі» запускае кампанію для падтрымкі назіральнікаў на прэзідэнцкіх выбарах у Беларусі. Сёння пачаў працу сайт з інструкцыямі для тых, хто плануе ўдзельнічаць у якасці незалежнага назіральніка. Валанцёры ініцыятывы адзначаюць, што кандыдаты ў назіральнікі атрымаюць падтрымку на кожным этапе: ад збору подпісаў для вылучэння да падрыхтоўкі дакументаў аб парушэннях, калі парушэнні будуць.
«Нягледзячы на тое што практычна ўсім кандыдатам з трох тысяч чалавек, якія падалі заяўкі на ўдзел ва ўчастковых выбарчых камісіях, было адмоўлена, мы не лічым гэта паразай. Ад нас чакаюць апатыі і страты веры ў саму магчымасць абараніць свае правы — і мы адказваем новай ініцыятывай. Людзі, як ніколі, масава заявілі пра сваё права ўдзельнічаць у выбарчым працэсе, паказаўшы, што выбары — гэта зусім не чужы манастыр», — адзначылі актывісты.
Адна з галоўных задач кампаніі — набор грамадзян у назіральнікі. Найважнейшая мэта — упершыню забяспечыць назіральнікамі ўсе ўчасткі краіны на ўсе дні выбараў, уключаючы этап датэрміновага галасавання.
«Мы не верым у словы «гэта ўсё бессэнсоўна, і нічога не зменіцца». Мы верым, што будучыню вызначаем мы самі. Так, мы бачым прадузятасць і абмежаванні пры адборы ў выбарчыя камісіі, але мы прапрацоўваем усе магчымыя законныя сцэнары ўключэння грамадзян краіны ў выбарчы працэс. Мы прапануем пачаць з простага: сабраць самую вялікую колькасць назіральнікаў за ўсю гісторыю Беларусі і прадухіліць любыя парушэнні нашых правоў», — сказалі арганізатары ініцыятывы.
Цяпер чытаюць
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ3
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»2929
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»29
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары