Беларусь працягвае перамовы з Сусветным банкам аб выдзяленні крэдыту на 1 млрд даляраў.
Беларусь працягвае перамовы з Сусветным банкам аб выдзяленні крэдыту ў памеры 1 млрд даляраў.
Пра гэта заявіў 15 красавіка журналістам міністр фінансаў Андрэй Харкавец.
«Цяпер ідзе першы раунд перамоў, і пакуль рана гаварыць аб нейкіх высновах і фармуляваць, якія крыніцы прыцягнення крэдыту будуць з боку Сусветнага банка», — сказаў ён.
Паводле слоў міністра, бакі пакуль «зверылі інтарэсы і пазіцыі адзін аднаго». «Пакуль абмяркоўваюцца прыстрэлачныя пытанні. Уся праца яшчэ наперадзе», — сказаў Харкавец. Пры гэтым ён падкрэсліў, што беларускі бок выказвае цікавасць у атрыманні ад Сусветнага банка гэтага крэдыту.
***
«Скарачэнне бюджэтных расходаў сёлета будзе вельмі значным. За многія гады гэта радыкальная сітуацыя ў бюджэтным працэсе»,
— заявіў 15 красавіка міністр фінансаў Беларусі Андрэй Харкавец, адказваючы на пытанні дэпутатаў Палаты прадстаўнікоў.
Паводле яго слоў, Міністэрства фінансаў удакладніла бюджэт на 2009 год, у адпаведнасці з якім плануецца значнае скарачэнне расходнай часткі.
«Тым не менш, першы квартал гэтага года мы завяршылі, збалансаваўшы расходы бюджэту з наяўнымі рэсурсамі, — падкрэсліў А.Харкавец. — Бюджэтная сфера хоць і адчула скарачэнне расходаў, разам з тым былі забяспечаны поўнасцю ўсе мерапрыемствы, якія планаваліся для рэалізацыі бюджэтнымі арганізацыямі».
Міністр фінансаў паведаміў, што ва ўдакладненым бюджэце
«закладзены асігнаванні на павелічэнне зарплаты на 5% тарыфнай стаўкі першага разраду».
«Але калі раней мы планавалі гэтае павышэнне ў маі, то сёння эканамічная сітуацыя паказала, што бюджэт не зможа забяспечыць гэтае павышэнне менавіта ў гэтым месяцы. Таму будзем адсочваць напаўняльнасць бюджэту і прымаць рашэнне аб павелічэнні заработнай платы адэкватна наяўным рэсурсам», — сказаў Харкавец.
Былога супрацоўніка контрразведкі КДБ арыштавалі за здраду дзяржаве9
Каментары