Ecoom, які з'явіўся пад рэферэндум 2004 года, «спрагназаваў перамогу» Лукашэнкі
Аналітычны цэнтр Ecoom сцвярджае, што па замове ЗАТ «Другі нацыянальны тэлеканал» правёў сацыялагічнае даследаванне аб электаральных настроях і перавагах грамадзян.
Паводле Ecoom, дзейнага кіраўніка дзяржавы, сцвярджае Ecoom, гатовыя падтрымаць на выбарах 72,3% беларусаў (было 69,4%). Рэйтынгі астатніх сумарна не перавышаюць 10%. Рэйтынг Святланы Ціханоўскай, паводле звестак апытання, вырас з 2,2% да 7,5%, Ганны Канапацкай на 0,1%.
У апытанні паказаны і ўзровень даверу дзейнаму прэзідэнту — 78,1% (паказчык не змяніўся).
«Сацыялагічныя замеры паказваюць стабільнасць рэйтынгу кіраўніка дзяржавы, высокую цікавасць грамадства да выбарчай кампаніі, гатоўнасць прыняць у ёй актыўны ўдзел і дазваляюць з высокай ступенню дакладнасці прагназаваць перамогу дзейнага прэзідэнта ў першым туры», — робяць выснову на АНТ.
Аналітычны цэнтр Ecoom узначальвае член грамадска-кансультатыўнага савета пры Міністэрстве адукацыі, член праўлення пралукашэнкаўскага Саюза пісьменнікаў Беларусі Сяргей Мусіенка. Упершыню Ecoom праявіўся перад рэферэндумам 2004 года аб зняцці абмежаванняў на колькасць прэзідэнцкіх тэрмінаў.
АНТ — лукашэнкаўскі тэлеканал. Увогуле. правядзенне сацапытанняў у краіне ліцэнзуецца, ліцэнзіі выдаюцца структурамі ўлады.
Апытанка
Цяпер чытаюць
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках66
Каментары