У Бабруйску мужчына ў кватэры ўключыў газ: ад выбуху пашкоджана частка дома і чатыры аўто
СК
Здарэнне адбылося вечарам 1 верасня каля 23:10, піша СК у тэлеграм-канале.
У міліцыю паступіла паведамленне: 54-гадовы гаспадар адной з кватэр уключыў газ і нікога не пускае дахаты.
На месца выехалі экстранныя службы. Але да іх прыезду адбыўся выбух газапаветранай сумесі. У выніку былі пашкоджаны перакрыцце паміж 1 і 2 паверхамі, не менш за 4 аўтамабілі, прыпаркаваныя побач з домам, выбітыя шыбы.
Жыхароў дома неадкладна эвакуявалі, ніхто з іх не пацярпеў. Гаспадар кватэры з тэрмічнымі апёкамі твару і цела дастаўлены ў бальніцу.
У дачыненні да мужчыны распачата крымінальная справа па ч. 2 арт. 218 (наўмысныя знішчэнне альбо пашкоджанне маёмасці, здзейсненыя агульнанебяспечным спосабам).
Працягвае працаваць следча-аператыўная група.
Цяпер чытаюць
Што азначае з’яўленне выхадцаў з Беларусі ў расійскім спецпадраздзяленні для асабліва важных аперацый і тайных забойстваў?8
Каментары