Ізраільскі міністр заклікаў хасідаў, што імкнуцца трапіць ва Украіну, вярнуцца дахаты
Міністр вышэйшай адукацыі і водных рэсурсаў Ізраіля Зеэў Элькін заклікаў у чацвер ізраільскіх паломнікаў-хасідаў, якія спрабуюць праехаць у горад Умань на тэрыторыі Украіны, дзе знаходзіцца магіла духоўнага настаўніка руху брацлаўскіх хасідаў — рэбэ Нахмана, — вярнуцца дадому. Адпаведную заяву ён апублікаваў у Twitter, піша ТАСС.
«Нягледзячы на шматлікія спробы дапамагчы ізраільцянам, якія спрабуюць трапіць на тэрыторыю Украіны праз Беларусь або Малдову, сёння раніцай ўкраінскія ўлады далі канчатковы адмоўны адказ. Украінцы заявілі, што не дазволяць ўезд праз памежныя пераходы», — напісаў Элькін. «Я заклікаю нашых грамадзян вярнуцца ў Ізраіль і выконваць загады па самаізаляцыі па вяртанні», — дадаў ён.
Раней у чацвер дарадца кіраўніка ўкраінскага МУС Міхаіл Апостал заявіў, што «Украіна ў сувязі з пандэміяй закрыла межы для замежнікаў». Ён падкрэсліў, што «выключэнняў для хасідаў не будзе».
На мяжы Беларусі і Украіны знаходзіцца каля 1200 паломнікаў. Беларускія памежнікі іх прапусцілі, а ўкраінцы не пускаюць на сваю тэрыторыю.
«Сваю набожнасць яны праяўляюць шумна і весела». Хто такія хасіды і што ім трэба ва Украіне?
Украіна заклікала кіраўніцтва Беларусі перастаць ствараць дадатковае напружанне ў сувязі з хасідам
Цяпер чытаюць
Сталі вядомыя падрабязнасці пра трагедыю ў Полацкім манастыры16
Сталі вядомыя падрабязнасці пра трагедыю ў Полацкім манастыры
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары