Першы Марш пенсіянераў прайшоў у сталіцы роўна тыдзень таму. На гэты раз да яго далучыліся іншыя гарады, напрыклад, Брэст, паведамляе БГ.
Каля 50 чалавек пенсіённага ўзросту, у асноўным жанчын, сабраліся днём 12 кастрычніка ля брэсцкага ЦУМа на акцыю пратэсту, якая атрымала назву Марш пенсіянераў.
Некаторыя прынеслі з сабой кветкі. Некаторы час людзі размаўлялі паміж сабой, а потым арганізаванай калонай пайшлі ў бок вуліцы Савецкай.
Каля 50 жанчын ідуць маршам па Савецкай ад ЦУМа. Скандуюць «Свабоду!», «Далучайся». Міліцыя ідзе побач.
Каля ГЦ «Дзідас Персія» калона скандавала «Свабоду Калеснікавай!», «Свабоду Бараноўскаму!»
Калона прайшла па вуліцы Пушкінскай, дайшла да галоўнага корпуса БрДУ, там яны праскандавалі «Студэнты, мы з вамі», пастаялі паўтары хвіліны і пайшлі на вуліцу Міцкевіча да старога корпуса БрДУ. Тут яны разышліся. Паводле папярэдняй інфармацыі, абышлося без затрыманняў.
Каментары