Сёння раніцай звольнілі работніка БМЗ Сяргея Анісімава, які ўчора заявіў аб уступленні ў страйк. У распараджэнні пазначана, што ён «у змену з 29.10.2020 на 30.10.2020 не выконваў без паважнай прычыны свае працоўныя абавязкі», паведамляюць Моцныя навіны.
З моманту апублікавання відэазвароту да звальнення прайшло каля 12 гадзін.
Напярэдадні Сяргей Анісімаў накіраваў адкрыты ліст кіраўніцтву прадпрыемства з патрабаваннямі спыніць ціск на рабочых і аднавіць на пасадзе ўсіх звольненых.
«Я стаміўся ад несправядлівасці, беззаконня, якое адбываецца ў нашай краіне. Я не магу далей працаваць, ведаючы, што за мае падаткі аплачваюць рэжым, аплачваюць незаконныя дзеянні. Я не магу заставацца ў баку», — сказаў ён у сваім відэазвароце.
Каментары