Беларусь накіруе гуманітарную дапамогу В’етнаму пасля разбуральных стыхійных бедстваў, якія адбыліся ў краіне ў 2025 годзе. Такое рашэнне прыняў Аляксандр Лукашэнка пасля звароту ўладаў В’етнама.
Паводка ў В'етнаме ў лістападзе 2025 года. Фота: Thanh Hue/Getty Images
Урад Беларусі даручыў Міністэрству надзвычайных сітуацый сфармаваць і даставіць гуманітарны груз. У яго ўвойдуць тавары беларускай вытворчасці:
- 5,6 тоны згушчанага малака з цукрам;
- 10 тон цукру;
- 1500 коўдраў;
- больш за 7000 пакрывал;
- 2000 камплектаў пасцельнай бялізны.
Дастаўку дапамогі МНС будзе арганізоўваць сумесна з Міністэрствам транспарту.
Беларускія ўлады адзначылі, што падтрымка аказваецца з гуманітарных меркаванняў, а таксама з улікам стратэгічнага партнёрства паміж Беларуссю і В’етнамам.
Цяпер чытаюць
Што вядома пра віцебчука, якога вінавацяць у спробе падрыву самалёта ў Германіі16
Каментары