Памёр заснавальнік буйнога будаўнічага гіпермаркета KSK у Гомелі Валерый Сацукевіч, паведаміла выданне «Моцныя навіны». Яму было 57 гадоў.
Сцвярджаецца, што смерць Валерыя Сацукевіча стала вялікай стратай для сям’і, працоўнага калектыву і ўсіх, хто яго ведаў.
«Моцныя навіны» падкрэсліваюць, што ён адыграў важную ролю ў развіцці будаўнічага бізнэсу ў Гомелі, а яго каманда стварыла не проста краму будаўнічых матэрыялаў, а вялікі і папулярны праект, якім карысталіся многія жыхары горада і вобласці.
Восенню 2024 года выданне «Флагшток» паведамляла, што ў судзе Савецкага раёна Гомеля на 6 лістапада быў прызначаны разгляд адміністрацыйнай справы супраць Валерыя Яўгенавіча Сацукевіча паводле артыкула 19.10 частка 1 — «прапаганда або публічная дэманстрацыя, выраб і распаўсюджванне нацысцкай сімволікі або атрыбутыкі», а таксама па арт. 24.1 «Невыкананне пісьмовага патрабавання (прадпісання)». Чым тая справа скончылася, не паведамлялася.
Каментары