Рэктарат універсітэта абвяргае інфармацыю аб «аднаўленні студэнтаў, якія груба парушылі адукацыйны працэс», гаворыцца ў паведамленні на сайце ВНУ.
Рэктарат Беларускага дзяржаўнага медыцынскага ўніверсітэта ажыццяўляе дэталёвае вывучэнне ўсіх абставінаў і прычын, якія заахвоцілі некаторых студэнтаў парушыць адукацыйны працэс ва ўстанове адукацыі, сказана ў паведамленні адміністрацыі.
Адміністрацыя БДМУ заявіла, што «ў адпаведнасці з устаноўленым заканадаўствам, па выніках аналізу сітуацыі ў дачыненні да кожнага студэнта, які правініўся, будуць прыняты меры дысцыплінарнага ўздзеяння».
У паведамленні сказана што, «інфармацыя, размешчаная на некаторых інтэрнэт-рэсурсах, з'яўляецца фэйкам. Рэктарат універсітэта на сёння абвяргае інфармацыю аб аднаўленні тых студэнтаў, якія груба парушылі адукацыйны працэс».
Нагадаем, на мінулым тыдні з медуніверсітэта, паводле саміх студэнтаў, адлічылі 21 чалавека. На гэтым тыдні, паведамілі навучэнцы, большасць з іх вярнуліся на пары. Іх выклікалі на размову ў ВНУ, дзе паведамлялі, што яны не былі адлічаныя. Адміністрацыя БДМУ ніяк не каментавала сітуацыю.
Каментары