Шэраг малочных прадпрыемстваў наведалі інспектары Еўракамісіі, па выніках іх праверкі будуць вызначаныя экспарцёры малочнай прадукцыі на Захад.
Шэраг малочных прадпрыемстваў наведалі інспектары Еўракамісіі, па выніках іх праверкі будуць вызначаныя экспарцёры малочнай прадукцыі на Захад.
Беларусь звярнулася да міністэрстваў сельскай гаспадаркі Польшчы і Літвы з просьбай падтрымаць нашу краіну пры прыняцці Еўрапарламентам рашэння па пастаўцы беларускай прадукцыі на рынак Еўрасаюза. Мінсельгасхарчу Беларусі заявіла пра намер дабіцца права экспарту малочнай прадукцыі ў краіны ЕС ужо ў гэтым годзе. Нагодай для такога аптымізму сталі наведванні інспектарамі Еўракамісіі шэрагу беларускіх прадпрыемстваў — «Савушкаў прадукт», Бярозаўскі масласырзавод і «Санта Брэмар». Выніковае заключэнне і заўвагі, зробленыя па выніках праверкі, знаходзяцца ў еўрапейскім Бюро па ветэрынарыі. На падставах праверкі асобных прадпрыемстваў будзе зробленае заключэнне аб прадстаўленні права на экспарт малочнай прадукцыі для ўсёй краіны, а ўжо потым айчынная ветслужба будзе прымаць рашэнне, хто адпавядае патрабаванням Еўрасаюза.
Эксперты адзначаюць, што выхад на еўрапейскі рынак выставіць перад беларускімі вытворцамі шэраг няпростых задач: неабходнасць павышэння якасці прадукцыі, тэхналагічнага пераўзбраення, вырашэнне непазбежных праблемаў, звязаных з антыдэмпінгавымі мерапрыемствамі еўрапейскіх канкурэнтаў.Варта адзначыць, што зрухі ў еўрапейскім накірунку адбываюцца на тле росту стратнасці экспарту малочнай прадукцыі. Па словах памочніка міністра сельскай гаспадаркі і харчу Казіміра Раманоўскага, стратнасць паставак малака і масла на сёння складае 30%, сыроў — 20%. Аднак Беларусь працягвае нарошчваць аб’ёмы вытворчасці малака. Чыноўнікі міністэрства спадзяюцца, што крызіс мінецца і цэны на малочную прадукцыю ізноў папаўзуць у гару. А пакуль дзяржава будзе падтрымліваць вытворцаў з тым, каб захаваць экспартную нішу.
На сёння Беларусь пастаўляе малочную прадукцыю ў Расію, Малдову, Украіну, Казахстан, Албанію, Македонію, Мексіку, Венесуэлу.
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5959
Каментары