Здарэнне адбылося вечарам 25 лютага каля 22:30 на вуліцы Ясеніна, што ў Малінаўцы.
У міліцыю паступіў званок: у адным з дамоў напалі на 48-гадовую жанчыну. Параненую знайшлі ў пад'ездзе яе суседзі, паведамляе прэс-служба МУС.
На месца здарэння прыбыў найбліжэйшы нарад міліцыі, а пасля — следча-аператыўная група. Па гарачых слядах злачынцу не ўдалося знайсці.
Аператыўнікі крымінальнага вышуку абышлі вялікую колькасць кватэр і апыталі дзясяткі людзей. Таксама былі вывучаныя запісы з камер відэаназірання. Крыху больш чым за суткі злачынцу знайшлі — гэта быў раней неаднаразова судзімы 36-гадовы мужчына.
Высветлілася, што ён распіваў спіртное на прыпынку непадалёк ад месца злачынства. На рабаванне адважыўся імгненна, калі ўбачыў жанчыну, якая заходзіла ў пад'езд: увайшоў за ёй і паспрабаваў забраць торбу. Калі ахвяра адштурхнула нападніка і стала клікаць на дапамогу, той ударыў яе нажом у шыю і збег.
Жыццю і здароўю жанчыне нічога не пагражае.
Цяпер чытаюць
«Беларусы дастаткова мудрыя, каб чакаць». Севярынец выступіў у Вільні2
Каментары