Гісторыя тыповая, але людзі працягваюць весціся на такое.
Усё пачалося ў мінулым жніўні. У сацсетках 47-гадовая жыхарка Барысава пазнаёмілася з мужчынам, які прадставіўся амерыканскім вайскоўцам і паведаміў, што служыць у Афганістане.
Амерыканец распавёў, што ўсе свае зберажэнні перавёў у залатыя зліткі і папрасіў аказаць дапамогу ў іх дастаўцы. Барысаўчанка павінна была аплаціць дастаўку, легалізаваць пасылку, а таксама — аплаціць мытны збор, паведамляе СК.
Акрамя гэтага, у студзені 2021 года, «вайсковец» прапанаваў аплаціць ягоны адпачынак, перавёўшы для гэтых мэтаў 500 даляраў, пасля чаго абяцаў прыехаць у Беларусь.
Усяго жанчына ў некалькі этапаў пералічыла больш за 12 тысяч рублёў.
Заведзена крымінальная справа па ч. 3 арт. 209 (махлярства ў буйным памеры) Крымінальнага кодэкса Беларусі.
Цяпер чытаюць
Памятаеце Таццяну Зарэцкую, якая са скандалам звальнялася з Кабінета Ціханоўскай? У Эстоніі яе падазраюць у махлярстве36
Каментары