Аб гэтым заявіў сёння журналістам дзяржаўны сакратар Рады бяспекі Аляксандр Вальфовіч пасля нарады ў Лукашэнкі наконт стану грамадска-палітычнай абстаноўкі ў краіне, піша БелТА.
«Рознымі дэструктыўнымі сіламі былі здзейсненыя спробы па дэстабілізацыі абстаноўкі на тэрыторыі Беларусі, правакаванні народа Беларусі і ўзняцці пратэснай масы, — звярнуў увагу дзяржсакратар Рады Бяспекі. — Кіраўніцтва гэтымі мерапрыемствамі ажыццяўлялі дзеячы, якія знаходзяцца за мяжой, так званыя лідары, якія «перажываюць» за тое, што дзеецца на тэрыторыі краіны, здраднікі (па-іншаму не назаву), якія ўваходзяць у «Байпол».
Аляксандр Вальфовіч падкрэсліў, што гэтыя асобы абсалютна не думаюць пра тое, што можа адбыцца з грамадзянамі, якія па іх закліках бяруць удзел у супрацьзаконных мерапрыемствах.
«Яны іх разглядаюць як гарматнае мяса. Ім абсалютна ўсё роўна, што з імі будзе і якія меры адказнасці потым будуць ужытыя да гэтых людзей», — заявіў ён.
«Ёсць яшчэ інфармацыя пэўнага роду. Але аператыўныя рэчы раней часу казаць нельга. Усе гэтыя нягоднікі ў нас перапісаныя, і, хутчэй за ўсё, у бліжэйшы час мы гэтыя спісы апублікуем, каб яны ведалі, што мы іх ведаем, — дадаў Аляксандр Вальфовіч.
— Гэта людзі, якія кінулі сваю краіну, уцяклі і з-за мяжы спрабуюць сутыкнуць людзей адно з адным. Беларусы заўсёды жылі мірна, і я ўпэўнены, што тая сістэма, якая сёння створаная, забяспечыць правапарадак на тэрыторыі нашай краіны».
Цяпер чытаюць
Закінутую сядзібу Багдановічаў пераробяць у буціковы гатэль ФОТЫ4
Каментары