Кейс: падпалкоўнік КДБ атрымаў біткойн. Як гэты даход можна канфіскаваць?
У фільме АНТ «Манкурты» расказваецца, што падпалкоўнік КДБ Аляксей Храловіч выслаў у тэлеграм-каналы аўдыя размоў, якія пралівалі святло на гібель Рамана Бандарэнкі, за што атрымаў біткойн. Цяпер Храловіч затрыманы. У тэорыі, калі справа дойдзе да суда, незаконна атрыманы даход мусяць канфіскаваць. Але як гэта магчыма зрабіць з крыптавалютай? Паспрабавалі разабрацца ў незвычайным кейсе.
Першы варыянт — канфіскаваць біткойн як ён ёсць.
«Не цікавіўся, ці ёсць у ведамствах афіцыйныя крыптакашалькі, але калі ў чалавека застаўся біткойн на рахунку і ён гатовы яго вярнуць у нязменным стане, то чаму не? Забраць у натуральным выглядзе і рэалізаваць судовымі выканаўцамі на таргах. Думаю, гэта будзе нетрывіяльная практыка. Заканадаўча такая магчымасць ёсць», — разважае юрыст Міхаіл Кірылюк над умоўным кейсам.
Другі варыянт — канфіскаваць кошт біткойна на момант яго пераводу.
Міхаіл Кірылюк заўважае, што для суда гэта больш просты шлях. Частка 2 артыкула 46-1 прадугледжвае, што калі канфіскаваць маёмасць ці даход, атрыманыя злачынным шляхам, немагчыма праз іх страту, знішчэнне ці іншыя прычыны, то ў даход дзяржавы спаганяецца сума, эквівалентная іх кошту.
Цяпер чытаюць
Мінчанка Ангеліна, якая прасіла ў Лукашэнкі кватэру за тройню, атрымала жыллё6
Мінчанка Ангеліна, якая прасіла ў Лукашэнкі кватэру за тройню, атрымала жыллё
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1111
Каментары