Кітайскія цэнзары выдаляюць з інтэрнэту ўсе згадкі пра «Оскар» Хлоі Чжаа
Кінарэжысёрка Хлоя Чжаа стала першай кітаянкай і другой жанчынай у гісторыі, якая атрымала самую прэстыжную ўзнагароду ў кінематографе. Аднак у Кітаі ўсе навіны, звязаныя з перамогай Хлоі Чжаа, вычышчаюць з пошукавых сістэм, сацыяльных сетак і дзяржаўных СМІ.
Калі сёння раніцай стала вядома, што «Оскар» за найлепшую рэжысуру ўпершыню ў гісторыі атрымала кітаянка, кітайскія сацыяльныя сеткі і СМІ запоўніліся віншаваннямі. Аднак да сярэдзіны дня ўсе пасты былі выдаленыя.
Пошук імя рэжысёркі ў Baidu і Sogou, галоўных пошукавых сістэмах Кітая, выводзіў на спасылкі пра папярэднія шматлікія ўзнагароды Хлоі Чжаа, але нічога не было наконт «Оскара».
Два рэпарцёры кітайскіх дзяржаўных СМІ паведамілі The Wall Street Journal, што Аддзел прапаганды Камуністычнай партыі Кітая загадаў нічога не паведамляць пра перамогу Хлоі Чжаа.
Міністэрства замежных спраў Кітая адмовілася каментаваць выдаленне паведамленняў, бо «гэта не дыпламатычнае пытанне».
У пачатку гэтага года Хлоя Чжаа сутыкнулася з крытыкай у сацыяльных сетках пасля таго, як карыстальнікі распаўсюдзілі яе інтэрв’ю за 2013 год, у якім рэжысёрка згадала Кітай свайго дзяцінства і маладосці і назвала яго месцам, «дзе паўсюль была хлусня».
Хлоя Чжаа жыла ў Кітаі да 17 гадоў, пасля паехала вучыцца ў ЗША і там засталася.
Цяпер чытаюць
Брат Колі Лукашэнкі будуе фармацэўтычны комплекс за $10 мільёнаў11
Брат Колі Лукашэнкі будуе фармацэўтычны комплекс за $10 мільёнаў
І пра рэальных бандытаў, і пра крыварукага Косцю-плітачніка, і пра сэкс у цягніку. Журналістка з Гомеля напісала кнігу — чытаць яе страшна і смешна1111
Каментары