Паплечнік расійскага палітыка Аляксея Навальнага Леанід Волкаў абвясціў, што афіцыйна распускае сетку рэгіянальных штабоў палітыка, піша meduza.io.
Былыя штабы стануць самастойнымі палітычнымі арганізацыямі, «якія будуць займацца расследаваннямі і выбарамі, грамадскімі кампаніямі і мітынгамі».
«Захаванне працы сеткі штабоў Навальнага ў цяперашнім выглядзе немагчыма: яно неадкладна будзе падведзена пад артыкул аб экстрэмізме і пацягне за сабой крымінальныя тэрміны для тых, хто працуе ў штабах, хто супрацоўнічае з імі, хто дапамагае. Не дапаможа ніякі рэбрэндынг; мы не зможам нават зрабіць выгляд, што гэта цяпер нейкая іншая арганізацыя — толькі «эксперты» са Следчага камітэта будуць вырашаць, гэта іншая арганізацыя або тая ж самая, і тут ужо не трэба быць экспертам, каб прадбачыць, што яны вырашаць. Працаваць у такіх умовах немагчыма. Мы афіцыйна распускаем сетка штабоў Навальнага», — сказаў Волкаў.
***
У сярэдзіне красавіка пракуратура Масквы запатрабавала прызнаць экстрэмісцкімі арганізацыямі штабы Навальнага і два фонды палітыка — Фонд барацьбы з карупцыяй і Фонд абароны правоў грамадзян. У рамках судовага разбору арганізацыям забаранілі пэўныя дзеянні, а штабы Навальнага сталі спыняць працу.
Цяпер чытаюць
Турэцкі лаўрэат прэміі Чэчкі быў у захапленні ад Беларусі і рэжыму ў ёй. А пасля трапіў на Акрэсціна3
Каментары