Беларусы пачалі мітынгі на пагранічных пераходах з патрабаваннем адкрыцця наземных межаў
У «Баброўніках» на польска-беларускай мяжы пачаўся намётавы мітынг. Раней падобная акцыя пачалася ля пункта пропуску «Меднікі» на літоўска-беларускай мяжы.
Патрабаванні пікетоўцаў да ЕС — паскорыць прыняцце санкцый супраць Аляксандра Лукашэнкі. Да беларускіх уладаў — вызваліць палітвязняў і адкрыць наземныя межы для свабоднага перамяшчэння грамадзян.
Калі патрабаванні не будуць выкананыя, то праз чатыры дні ўдзельнікі абяцаюць пачаць блакаваць рух.
Акцыі легальныя і ўзгодненыя з мясцовымі ўладамі.
Нагадаем, з суботы 5 чэрвеня Еўрасаюз афіцыйна закрыў для ўсіх беларускіх самалётаў паветраную прастору і аэрапорты ЕС. Падставай для ўвядзення жорсткіх абмежавальных мер стала прымусовая пасадка ў Мінску самалёта Ryanair, які ляцеў з Афін у Вільню, і затрыманне Рамана Пратасевіча і Сафіі Сапегі.
Абмежавальныя меры на выезд з Беларусі праз наземныя пункты пропуску беларускія ўлады ўвялі ў снежні 2020 года. Афіцыйная прычына — кавід. Дагэтуль абмежаванні не знятыя.
Цяпер чытаюць
«Запускайце далей салюты, а я выклічу міліцыю». Беларусы спрачаюцца пра забарону на феерверкі16
Каментары