Гісторыя Крысціяна Эрыксана: што можа выклікаць раптоўнае спыненне сэрца?
Дацкі футбаліст Крысціян Эрыксан меўся гуляць на футбольным чэмпіянаце Еўропы, але замест гэтага ён ужо некалькі дзён знаходзіцца ў шпіталі. Прычына — раптоўнае спыненне сэрца Эрыксана падчас матчу з Фінляндыяй у нядзелю.
Фота thenational.scot.
Мясцовыя дактары ўсё яшчэ не ведаюць, што выклікала спыненне сэрца гульца. Знайсці адказ на гэтае пытанне — іх галоўная задача зараз, піша ВВС.
Раптоўнае спыненне сэрца — з’ява, калі сэрца нечакана перастае пампаваць кроў, праз што мозг пакутуе ад недахопу кіслароду і, у выніку, чалавек губляе прытомнасць і перастае дыхаць. Гэта адрозніваецца ад сардэчнага прыступу, калі перапыняецца цячэнне крыві ў сардэчную мышцу. Часта гэта здараецца праз наяўнасць тромба ў адной з каранарных артэрый.
Адна з найбольш частых прычын такой з’явы — небяспечная для жыцця арытмія, так званая фібрыляцыя жалудачкаў. Сярод іншых прычын называюць кардыяміяпатыю — групу хвароб сардэчнай мышцы, якія ўплываюць на яе памер, форму і таўшчыню, і востры міякардыт, ці запаленне сардэчнай мышцы.
Эрыксан — не адзіны футбаліст, з якім здарылася раптоўнае спыненне сэрца. У 2012 годзе іншы гулец, Фабрыс Муамба, згубіў прытомнасць на поле, і яго сэрца спынілася на 78 хвілін. 28-гадовы камерунскі паўабаронца Марк-Вів’ен Фоэ памёр падчас матчу за нацыянальную каманду ва ўзросце 28 гадоў, а былы англійскі футбаліст Уга Эхіёгу, які працаваў у трэнерскім штабе «Тотэнхэма», памёр ад раптоўнага спынення сэрца, калі яму было 44.
Раптоўнае спыненне сэрца можа здарыцца з любым чалавекам у любы час. Калі гэта здарылася з Крысціянам Эрыксанам, над ім адразу пачалі праводзіць сардэчна-лёгачную рэанімацыю, то-бок закрыты масаж сэрца і штучнае дыханне. Пасля гэтага медыкі прымянілі аўтаматычны знешні дэфібрылятар.
Важна ведаць, што выкананне сардэчна-лёгачнай рэанімацыі ў некаторых выпадках можа больш чым у два разы павялічыць шансы чалавека выжыць. Кожная хвіліна прамаруджвання ў такіх сітуацыях зніжае гэтыя шансы на 10%.
Што датычыцца дэфібрылятараў, у еўрапейскіх гарадах іх размяшчаюць на працоўных месцах, а таксама ў лакацыях накшталт аэрапортаў і гандлёвых цэнтраў. Пры выкарыстанні аўтаматычнага дэфібрылятара нельга памыліцца, бо прыбор сам вызначае, ці неабходны сэрцу чалавека імпульс электрычнага току.
Чытайце таксама:
«Я ў парадку». Крысціян Эрыксан, які перанёс спыненне сэрца на Еўра-2020, апублікаваў сэлфі з бальніцы
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ11
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1010
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»10
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары