Сталі вядомыя самыя гучныя прозвішчы з новага санкцыйнага спісу Еўрасаюза
У новым пакеце еўрапейскіх санкцый, які збіраюцца апублікаваць ужо 21 чэрвеня, сярод іншага будуць бізнэсмены Аляксей Алексін, Аляксандр Зайцаў, Сяргей Цяцерын, Аляксандр Шатроў, а таксама Міхаіл Гуцэрыеў. Пра гэта паведамілі крыніцы «Нашай Нівы».
Персанальныя санкцыі фармальна ўплываюць толькі на рахункі і візы чалавека, але на практыцы еўрапейскія кампаніі і банкі пачынаюць успрымаць непажаданымі і бізнэсы падсанкцыйных асоб. Яскравы прыклад — моцны ўдар па бізнэс-імперыі Аляксандра Шакуціна.
Якія месцы займаюць пералічаныя людзі ў рэйтынгу самых паспяховых бізнэсменаў Беларусі — 2019?
Алексін — 4-е месца. Ён займаецца палівам, таксама валодае «Табакеркамі».
Зайцаў — 10-е месца. Яго сферы ўплыву — лагістыка, будоўля. Зайцаў вядзе бізнэс з ААЭ.
Шатроў — 54-е месца. З ім асацыюецца брэнд «Сінэзіс» і сістэмы інтэлектуальнага відэаназірання, здольныя ідэнтыфікаваць людзей у натоўпе па твары. «Сінэзіс» ужо пад санкцыямі, таму кампаніі былі перайменаваныя.
Цяцерын толькі на 108-м месцы. Ён перадусім вядомы як блізкі паплечнік Аляксандра Лукашэнкі. А яго бізнэс датычыць дыстрыбуцыі алкаголю і прадуктаў, а таксама рынку тэлерэкламы.
Нарэшце Гуцэрыеў — перадусім расійскі бізнэсмен. З Беларуссю яго звязвае «Слаўкалій» і будаўніцтва Нежынскага горна-абагашчальнага камбіната. Ну і падарункі Аляксандру Лукашэнку кшталту «Майбаха».
Цяпер чытаюць
Спевака з «Марафону адзінства» асудзілі за палітыку — прыгадалі каментары 2020-га. Бараніць у суд яго хадзілі сёстры Груздзевы15
Каментары