Першакурснік Беларускага дзяржаўнага тэхналагічнага ўніверсітэта Дзмітрый К. памёр 20 чэрвеня.
Хлопец быў родам з Мазыра. Вучыўся ў Мінску, жыў у інтэрнаце.
Як кажуць студэнты, Дзмітрый прыхварэў перад сесіяй і паехаў у Мазыр. Паднялася тэмпература. У Мазыры хлопцу стала горш. Яго паклалі ў бальніцу, пасля перавялі ў Гомель. Там юнак памёр пасля некалькіх дзён у коме, расказваюць студэнты.
Інфармацыю пацвердзіў супрацоўнік універсітэта: маці хлопца распавяла яму, што Дзмітрый памёр пасля працяглага знаходжання ў рэанімацыі, хлопец сапраўды хварэў на каранавірус.
Па словах аднагрупнікаў, Дзмітрый не вакцынаваўся ад каранавіруса: ці то не хацеў сам, ці то не паспеў.
Каментары