Маджтаба Хаменеі выступіў з першым зваротам у якасці вярхоўнага лідара Ірана. Яго пачулі, але не пабачылі
Новы вярхоўны лідар Ірана Маджтаба Хаменеі ўпершыню выступіў з публічным зваротам пасля свайго прызначэння на пасаду Радай экспертаў. Праўда, сам у эфіры не паказаўся — ягоную заяву проста зачыталі на дзяржаўным тэлебачанні краіны.
У звароце Хаменеі заявіў, што Армузскі праліў, праз які праходзіць каля пятай часткі сусветных паставак нафты, павінен заставацца закрытым як «інструмент ціску».
Ён таксама адзначыў, што Іран імкнецца падтрымліваць дружалюбныя адносіны з суседнімі краінамі, але падкрэсліў, што іранскія вайскоўцы наносяць удары толькі па амерыканскіх вайсковых базах на іх тэрыторыі. Паводле яго слоў, усе базы ЗША ў рэгіёне павінны быць неадкладна закрытыя, інакш яны будуць падвяргацца атакам.
Таксама ён прыгразіў адкрыццём «іншых франтоў» у канфлікце Ірана з ЗША і Ізраілем, калі баявыя дзеянні працягнуцца.
Хаменеі ні разу не з’яўляўся на публіцы ўсе некалькі дзён пасля абвяшчэння яго новым кіраўніком краіны. Раней СМІ паведамлялі, што ён мог атрымаць траўмы падчас амерыкана-ізраільскіх удараў, у выніку якіх загінуў яго бацька — былы вярхоўны лідар Ірана аятала Алі Хаменеі.
Паводле інфармацыі CNN, у першы дзень бамбардзіровак Маджтаба Хаменіі атрымаў пералом ступні і некалькі нязначных траўм. У той жа час праз адсутнасць Хаменеі ў публічнай прасторы ходзяць чуткі, што ягоныя траўмы могуць быць куды больш сур'ёзнымі.
Той факт, што Маджтабу Хаменеі дагэтуль не паказвалі дзяржаўныя іранскія СМІ, прывёў да шырокага распаўсюджвання спекуляцый у сацсетках, асабліва ў асяроддзі іранскай дыяспары, пра тое, што новы вярхоўны лідар Ірана паранены вельмі моцна, калі ўвогуле жывы.
Улады Ірана прызналі, што новы вярхоўны лідар паранены — пералом ступні і парэзы на твары
«Адсячэш адну галаву — вырастаюць новыя». Як кіраўніцтва Ірана пабудавала сістэму, якая дазваляе ўтрымліваць уладу
Патрыярх Кірыл назваў новага вярхоўнага лідара Ірана «дарагім братам»
Расія папярэджвала Алі Хаменеі пра ўдар, але той нібыта абраў пакутніцкую смерць
Каментары