Белгідрамет абнавіў інфармацыю пра стан рэк у Беларусі. Паводле апошніх даных, за мінулыя суткі на некаторых рэках пачалося ачышчэнне ад лёду.
У прыватнасці, лёд сышоў на рацэ Гарынь каля вёскі Малыя Вікаравічы Столінскага раёна. Гэта прыток Прыпяці. Таксама павысіўся ўзровень вады на іншым прытоку Прыпяці — рацэ Сцвіга каля Кароцічаў Столінскага раёна: там вада ўжо выйшла на пойму. Падобная сітуацыя назіраецца і на Бярэзіне каля горада Беразіно.
Разам з тым на большасці беларускіх рэк усё яшчэ захоўваецца ледастаў. Лёд трымаецца на Дняпры, Сожы, а таксама на асобных участках Прыпяці, Нёмана і Віліі. На ўчастку Прыпяці Чэрнічы — Мазыр лёд ужо ўскрыўся, як і на некаторых прытоках Сожа і Дняпра.
Узровень вады на большасці рэк за суткі павялічыўся на 1—23 сантыметры. Найбольш хуткі рост назіраецца ў басейне Дзвіны — там вада месцамі паднялася да 68 сантыметраў за суткі.
У цэлым павышэнне ўзроўню вады цяпер назіраецца на большасці рэк у басейнах Прыпяці і Дняпра.
«Сумны горад, пра які прынята добра казаць». Расіянка раскрытыкавала Мінск — беларусы ёй іранічна падзякавалі26
Каментары