Пра гэта заявіў пасол Літвы ў Беларусі Эдмінас Багдонас.
Пасол Літвы ў Беларусі Эдмінас Багдонас прапаноўвае дзвюм краінам разам адсвяткаваць у 2010 годзе 600‑годдзе Грунвальдскай бітвы. Аб гэтым ён заявіў 8 ліпеня, выступаючы на цырымоніі адкрыцця ў літоўскай дыпмісіі выставы «Літва: гісторыя і культура», прысвечанай тысячагоддзю Літвы.
«Я хачу выказаць падзяку беларусам, якія ўвесь час даюць магчымасць нам, літоўцам, адчуць сябе тут як дома. Прапаноўваю ў наступным годзе разам адзначаць 600 гадоў Грунвальдскай бітвы», — сказаў дыпламат.
Кажучы пра выставу, Багдонас адзначыў, што на ёй прадстаўлены самыя важныя моманты тысячагадовай гісторыі Літвы. «Выстава расказвае пра гісторыю Літвы і яе культуру, яшчэ раз пацвярджае, што Літва была і застаецца неад’емнай часткай Еўропы», — заявіў пасол.
На выставе прадстаўлены копіі дакументаў, карцін і фатаграфій, якія распавядаюць аб найважнейшых датах літоўскай гісторыі — узнікненні Літоўскай дзяржавы, Вялікага Княства Літоўскага, перыядзе акупацыі царскай Расіяй, незалежнай Літоўскай Рэспубліцы ў 1918—1940 гадах, савецкай акупацыі, аднаўленні незалежнасці.
Цяпер чытаюць
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»7
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары