Кіраўнік Памежнай аховы Латвіі: Мігранты на мяжы хочуць вярнуцца дадому, але іх сілай выштурхваюць з Беларусі
Многія мігранты на мяжы Латвіі і Беларусі паведамлялі аб жаданні як мага хутчэй трапіць дадому, але іх выштурхоўвалі з Беларусі сілай. Пра гэта паведаміў у эфіры Латвійскага радыё начальнік Дзяржаўнай памежнай аховы Гунціс Пуятс, перадае Delfi.lt.
За тыдзень да 24:00 нядзелі памежная ахова вярнула ў Беларусь 395 парушальнікаў мяжы, якія спрабавалі нелегальна трапіць у Латвію.
Самая вялікая колькасць мігрантаў зафіксавана ў чацвер — 101 чалавек. У іншыя дні латвійскую мяжу спрабавалі перасекчы ў сярэднім каля 50 чалавек.
«Калі атрымоўваецца зафіксаваць асобы ў момант перасячэння мяжы, то паказваем ім, што гэта злачынства і заклікаем адмовіцца ад здзяйснення злачынства. Калі не выходзіць, то праводзім мерапрыемствы, каб гэтага не адбылося», — сказаў Пуятс.
Кожны выпадак перасячэння мяжы ацэньваецца індывідуальна. Да гэтага часу было прынята адно рашэнне аб прыняцці чалавека з парушэннямі руху, які не мог пра сябе паклапаціцца, як распавёў Пуятс. Мігранты неслі гэтага чалавека на руках праз мяжу.
Пуятс адзначыў, што мігранты незадаволеныя цяперашняй сітуацыяй і многія паведамлялі, што хочуць хутчэй трапіць назад у Ірак, але беларусы іх штурхалі праз мяжу сілай.
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?12
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?
«На працягу 30 гадоў незалежнасці беларускамоўныя бюлетэні задавальнялі ўсіх». Камуністы абвінавацілі Бондараву ў распальванні варожасці на моўнай глебе1616
Каментары