Сёння пачынаецца кваліфікацыя хакейнага турніру Алімпіяды-2022. Ці праб'юцца ў Пекін беларусы?
У чацвер стартуе фінальная кваліфікацыя мужчынскага хакейнага турніру Алімпіяды-2022. Удзел у ёй бяруць 12 каманд, падзеленых на тры групы. Пераможцы заваююць пуцёўкі ў алімпійскі Пекін.
Бярэ ўдзел і беларуская зборная. Гульні нашай групы пройдуць у Браціславе, і супернікамі беларусаў, апроч Славакіі, будуць каманды Польшчы і Аўстрыі.
Першы матч — сёння супраць Польшчы (16:15), у пятніцу — гульня з Аўстрыяй, а ў нядзелю заключны паядынак са Славакіяй.
На Алімпійскі хакейны турнір трапляе толькі пераможца групы.
Беларусы ўдзельнічалі ў хакейным турніры ў 1998, 2002 і 2010 гадах, а вось на Алімпіяды ў 2006-м, 2014-м і 2018-м не траплялі.
Варта згадаць, што на мінулым чэмпіянаце свету зборная Беларусі выступіла няўдала, заняўшы апошняе месца ў групе. Славакам у групавым турніры каманда прайграла з лікам 2:5.
Каментары