Пентагон заявіў, што ўдарам з дрона знішчыў машыну смяротніка, які ехаў у аэрапорт
Пентагон пацвердзіў, што амерыканскія вайскоўцы нанеслі ракетны ўдар па Кабуле. Ракета, выпушчаная дронам, была нацэлена на смяротніка афганскага філіяла групоўкі «Ісламская дзяржава».
EPA
Па звестках ЗША, ён быў па дарозе да аэрапорта Кабула, дзе меў намер зладзіць тэракт, паведамляе Бі-бі-сі.
«Мы ўпэўненыя, што патрапілі ў пастаўленую цэль», — заявіў у інтэрв'ю амерыканскай тэлекампаніі CBS прадстаўнік Узброеных Сіл ЗША.
«Першапачатковыя даныя кажуць аб тым, што ахвяр сярод грамадзянскага насельніцтва няма. Паўторныя выбухі сведчаць аб тым, што ў аўтамабілі знаходзілася значная колькасць выбуховых рэчываў», — дадаў ён.
Прадстаўнік «Талібана» таксама пацвердзіў, што ЗША нанеслі ўдар па аўтамабілі смяротніка.
Цяпер чытаюць
35 маладых беларусаў і беларусак, за якімі варта сачыць: апублікаваны першы спіс Next 3532
Каментары