Хапун на «Гродна Азоце»: «Магчымасці таго, што прыйдуць па мяне, ніколі не выключаў»
На прадпрыемстве-гіганце працягваецца ціск на незалежныя прафсаюзы, людзей затрымліваюць і арыштоўваюць.
«Учора затрымалі майго намесніка Валянціна Цераневіча, а сёння яго жонку проста з працы вырвалі для нейкіх следчых дзеянняў, — паведаміў «Салідарнасці» старшыня першаснай арганізацыі незалежнага прафсаюза ААТ «Гродна Азот» Андрэй Ханевіч.
Таксама напярэдадні затрымалі двух членаў страйкама прадпрыемства Андрэя Пагерыла і Уладзіміра Жураўко. Яны застаюцца пад вартай.
22 верасня днём у страйкаме ААТ «Гродна Азот» «Салідарнасці» пацвердзілі інфармацыю аб затрыманні яшчэ некалькіх азотаўцаў.
Гэта майстар па рамонце абсталявання цэха «Аміяк-3» Рыгор Рубан, майстар змены цэха «Аміяк-3» Дзмітрый Ілюшчанка і машыніст помпавых установак цэха «Карбамід-2» Аляксей Сідар, які пайшоў у стачку.
— Да мяне самога пакуль ніхто не прыходзіў, ніякіх прэтэнзій не прад'яўлялі. Магчымасці таго, што прыйдуць па мяне, я ніколі не выключаў. А як можна яе сёння выключаць? Гэтыя ганенні на незалежны прафсаюз не ўпершыню. Але з'язджаць я нікуды не збіраюся, — сказаў Андрэй Ханевіч.
Вядома, што на прадпрыемстве няпростая сітуацыя з кадрамі. Супрацоўнікі рознага ўзроўню працягваюць звальняцца. Некаторым кіраўніцтва катэгарычна адмаўляецца падпісваць звальненне па ўзгадненні бакоў, настойваючы на тым, каб людзі не сыходзілі».
Чытайце таксама: «Калегі восенню казалі: «Супакойся», а сёння пытаюцца, што рабіць». Сяргей Дылеўскі пра настроі на заводах і сваё жыццё цяпер
Цяпер чытаюць
19‑гадовы курсант Акадэміі МУС набіў сабе на лбе мішэнь і паехаў штурмаваць Запарожжа. Ідэя спрацавала2
Каментары