У Гомелі жанчына нарадзіла дзіця і выкінула ў выграбную яму прыбіральні. Хлопчык у рэанімацыі
Сёння ў гарадскі аддзел па надзвычайных сітуацыях паступіла паведамленне, што на вуліцы Герцэна ў пункце прыёму шклатары ў выграбной яме грамадскай прыбіральні знаходзіцца нованароджанае дзіця.
На месца скіраваліся ратавальнікі.
«Я ў першыя секунды і не разабраўся, што гэта дзіця. Затым пачуў вельмі слабы плач. У гэты ж момант крыкнуў ратавальнікам, каб здымалі курткі адзення і, не чакаючы калег, скокнуў за нованароджаным у яму. Дастаў яго і перадаў калегу. Той захутаў хлопчыка ў куртку і ручнікі, якія прынеслі работніцы пункта. У гэты момант прыбылі супрацоўнікі хуткай медыцынскай дапамогі, якія забралі дзіця», — распавёў ратавальнік Аляксандр Сабадаш.
Хлопчык у рэанімацыі, яго стан цяжкі.
Супрацоўнікі Навабеліцкага РАУС усталявалі месца знаходжання 26-гадовай маці нованароджанага. Яна таксама шпіталізавана.
Таксама паведамляецца, што псіхолаг аказваў на месцы дапамогу работнікам пункта прыёму і ратавальнікам.
Каментары