Музычная лава прысвечана памяці беларускага кампазітара Алега Моўчана адкрыецца ў аўторак, 26 кастрычніка. Размяшчацца яна будзе каля дома па адрасе Ракаўская, 20, паведамляюць Мінск-навіны.
З 1989 года цягам 10 гадоў Моўчан, разам з Уладзімірам Мулявіным, быў ключавой фігурай ансамбля «Песняры».
Ён аўтар дзясяткаў песень, адна з самых вядомых — «Малітва» на вершы Янкі Купалы.
Вядомы кампазітар пайшоў з жыцця два гады таму, 26 кастрычніка 2019 года. Ён памёр у Жэневе, знаходзячыся на лячэнні ад анкалагічнага захворвання. Яму было 54 гады.
Зараз у Мінску ўсталяваная толькі адна музычная лава. Яна знаходзіцца ў Верхнім горадзе і была адкрыта да 250-годдзя Міхала Клеафаса Агінскага, аўтара «Развітання з Радзімай».
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары