Выпадак у шанхайскім Дыснэйлендзе адбыўся 31 кастрычніка, калі парк атракцыёнаў падчас выходных і Хэлоўіна наведвала каля 34 тысяч чалавек. Пасля таго як з'явілася інфармацыя аб магчымым тэсце са станоўчым вынікам на Covid-19, увесь Дыснэйлейнд зачынілі, а астатніх наведвальнікаў і работнікаў, якія засталіся ўнутры, выпускалі з тэрыторыі парку толькі пасля здачы тэста.
Наведвальнікі Дыснэйленда ў сваіх сацыяльных сетках адзначалі, што ніколі б не падумалі пра тое, што самая доўгая чарга ў іх жыцці будзе на здачу нуклеінавай кіслаты. Пазней улады краіны заявілі, што станоўчых тэстаў у наведвальнікаў Дыснэйленда не выявілі. Парк атракцыёнаў застанецца зачыненым як мінімум да 3 лістапада.
СМІ паведамляюць, што крыніцай віруса магла быць жанчына, якая наведала Дыснэйленд 30 кастрычніка, якая была ў цесным кантакце з хворым. Пасля гэтага яна здала тэст на Covid-19 і атрымала станоўчы вынік, аднак іншыя крыніцы пішуць, што гэтая жанчына наогул не наведвала Дыснэйленд.
Мяркуючы па статыстыцы, такі строгі падыход з абмежаваннямі ўсё ж дае свае вынікі — у Кітаі з пачатку пандэміі было менш за пяць тысяч смяротных вынікаў, у той час як у ЗША гэтая колькасць дасягнула амаль 750 тысяч, а ў Расіі — 235 тысяч. Кітай застаецца адзінай краінай у свеце, якая плануе знішчыць Covid-19, у той час як астатнія паступова змякчаюць абмежаванні і прымаюць новую рэальнасць, у якой ужо заўсёды будзе вірус.
Цяпер чытаюць
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння77
Каментары