У Брэсце 25 ліпеня ў межах свята «Бярэсце-2009» адбылося адкрыццё скульптурнай кампазіцыі, прысвечанай гісторыі горада. Яна ўстаноўлена на скрыжаванні вуліц Савецкая і Гогаля.
Гэта трох’ярусны помнік з граніту і бронзы вышынёй прыблізна 10 метраў. Ні ніжнім ярусе размешчаны 12 бронзавых шыльдачак. Яны ўтвараюць сімвалічны гадзіннік, які нібыта адмярае ход часу. На шыльдачках коратка згаданы найбольш значныя падзеі 990-гадовай гісторыі Брэста. Вышэй размешчана шэсць бронзавых фігур: тры скульптуры гістарычных дзеячаў — Вітаўта, Радзівіла Чорнага, князя Васількавіча і тры зборныя вобразы — Маці, Салдата і Летапісца. Над імі ўзвышаецца фігура Анёла-ахоўніка горада.
Кампазіцыя распрацавана брэсцкім скульптарам Аляксеем Паўлючуком у межах падрыхтоўкі горада да юбілею, які адзначаецца гэтымі днямі. Бронзавыя фігуры адлівалі на ліцейным двары саюза мастакоў і скульптараў у Мінску.
Цяпер чытаюць
Музыка Цім Суладзэ: Розніца 30 гадоў — тое, што адпавядае маім уяўленням пра адносіны37
Каментары