Палітзняволеную Вольгу Класкоўскую перавялі з калоніі ў СІЗА па новай крымінальнай справе
Маці палітзняволенай Вольгі Класкоўскай паведаміла, што ў гэтыя выхадныя яе дачку этапавалі з гомельскай жаночай калоніі ў брэсцкі СІЗА-7. Перавялі жанчыну для правядзення следчых дзеянняў па новай крымінальнай справе.
Справу завялі паводле арт. 369 КК за каментарый у сацыяльных сетках, у якім Вольга нібыта абразіла міліцыянта з Брэста. Гэты каментарый быў размешчаны яшчэ да яе арышту, паведамляюць правабаронцы.
Маці Вольгі кажа, што дачка дрэнна сябе адчувае. Зрок пагаршаецца: перад вачамі мутна і лётаюць «мошкі». Вольга ўжо пачала лячэнне і п'е вітаміны.
За ўвесь чаc Класкоўскую неаднаразова закідвалі ў карцар і ў памяшканне камернага тыпу. З-за дрэнных умоваў утрымання да палітзняволенай вярнуліся старыя хваробы: ацёкі ног, болі ў пазваночніку і ў галаве.
Бацькам з сакавіка адмаўляюць у спатканнях з дачкой. Акрамя гэтага, першую перадачу ў калонію ў іх атрымалася перадаць толькі ў ліпені, а другую перад этапам у Брэст выслалі пасылкай.
22 снежня 2020 года Вольгу асудзілі да 2 гадоў калоніі па ч. 1 арт. 342 Крымінальнага Кодэкса за перакрыццё руху транспарту ў Серабранцы ў Мінску.
***
СІЗА-7, 224030, г. Брэст, вул. Савецкіх памежнікаў, 37, Класкоўскай Вользе Аляксандраўне.
«Здаецца, гэтым пакаранням няма канца». Навіны ад палітзняволенай Вольгі Класкоўскай
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?11
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?
«На працягу 30 гадоў незалежнасці беларускамоўныя бюлетэні задавальнялі ўсіх». Камуністы абвінавацілі Бондараву ў распальванні варожасці на моўнай глебе1616
Каментары